நன்கு படித்த தமிழக மேதாவிகள் கூட தமிழில் உரையாடுவது இல்லையே !
தமிழன் தமிழில் பேசாதது அவனது அறியாமை தவிர வேறொன்றும் இல்லை.
மாணவ பருவம் முடிந்து பணிக்கு செல்லும் அவன் காலப்போக்கில் சொரணை அற்று போகிறான். பொழுது போக்கிற்காக கன்றாவியான திரைப்படங்களை பார்பதும், தொலைக்காட்சி முன் உயிர் விடுவதுமாக இருக்கிறான்.
நல்ல புதினங்களை படிப்பதும், அறிவையும், உணர்வையும் மேம்படுத்த முனைவதில்லை. மாறாக தமிழன எதிரிகளுக்கு ஊக்கம் அளிப்பதாய் அவனது செய்கைகள் அமைந்து விடுகின்றன. அவன் அறியாமை மென்மேலும் வளர அடாது பாடுபட்டு ஊடகங்களும், கலைத்துறையினரும் அவன் நிலைமையை மென்மேலும் மோசமாக்குகின்றன.
தமிழன் தன்னுடைய கையொப்பத்தை என்று தமிழ் மொழியில் போட்டு இருக்கிறான். தாய் மொழிக்கான பற்று வீட்டிலிருந்து தாய் தந்தையர்களிடம் இருந்து தான் இது விதைக்க பெற வேண்டும். எத்தனை வீடுகளில் இது நடை முறையில் இருக்கின்றது ? தமிழை மறப்பது பெற்ற தாயை மறப்பது போல் அல்லவா.... பெற்ற தாய், இதை தன் பிள்ளையிடம் சொல்லி வளர்த்தால் அந்த குழந்தை எப்படி தமிழுனர்வில்லாமல் போவான்....?
ராஜராஜ சோழன் தமிழனின் புகழ் பரப்ப தனது வீரமிக்க் படை கொண்டு கடல் கடந்து சென்று நாடு வென்றான். அதை உலகிற்கு பறை சாற்ற வரலாற்றை எழுதி சென்றான். அவனுக்கு ஊக்கம் அவனது தமக்கை அளித்தது தானே ?
தமிழ் மொழிக்கான சிறப்பை அவனுக்கு அறிய வைப்பது சமுதாயத்தில் உள்ள சான்றோர்களின் கடமை. அவனது அறிவை மழுங்க அடிக்கும் செயல்களில் இருந்து அவனை மீட்டு சிறிதளவேனும் இன மான உணர்வை ஊட்ட வேண்டுவது படித்த நம் போன்ற இளைஞர்களின் பனி தானே ?
தமிழன் தமிழின் பெருமை அறிய முற்படவில்லை.... என்பது எனது குற்றச்சாட்டு. தமிழனின் பண்பாடு , வீரம் , கலை உணர்வு , மாந்த நேயம் போன்ற உலகத்தோரால் போற்ற பெற்ற நம்முடைய தொன்மை வாய்ந்த வரலாற்று ஆதாரங்களை மக்களுக்கு அறிய வைக்க முனைய வேண்டும்.
தமிழனுக்கு இன உணர்வு எங்கே போனது ? தமிழுணர்வு எங்கே போனது ?
தமிழனை தமிழன் ஆளவேண்டும் என்ற சிந்தனை ஏன் தமிழனுக்கு வரவில்லை ? தமிழம்ந பண்பாட்டை திருடி, மாற்று பெயர் இட்டு தமிழன் தலையில் எவ்வளவு நாட்கள் மிளகாய் அரைப்பார்கள் ?
வேறொரு தருணத்தில் இவற்றை பற்றி எழுத முனைவேன் ....
கருத்துக்களும், மாற்று கருத்துக்களும் வரவேற்கப்படும்.
